杨丞琳寻晚首场内地演唱会，
大家有冇去啊？！！！！
假如你嘅答案係有，
恭喜嗮！！！！！！！
拣520，都算係有D意义咁啦！
假如你冇去，
我谂你喺朋友圈都睇完成场了。
杨丞琳的确係大家嘅青春回忆，
好多年前睇佢扮学生妹，
你已经大个咗，
而且佢依然係扮紧学生妹！！
真係冇点变过！！！
杨丞琳寻晚嘅广州演唱会，
去咗嘅F都话，真係正到爆！！！
而且好多位都有轻轻咁啜泣咗。
开骚之前，丞琳就有预告，
时隔3个月，香港场之后，
再次做翻歌手。
首先佢开嗮四面台，
舞台係三层嘅升降，
连啲边边位都係可以伸出来，
更加接近观众。
开头嘅part係唱D新歌，
大家都唔会话太唔熟。
丞琳寻晚状态好好，
讲嘢嘅时候虽然有少少声沙，
但一到唱歌，
声线即刻好清，首首都好好听！！
到中段嘅时候，
开始唱真係代表青春回忆嘅歌！！！
演唱会佢係冇提词板，
丞琳亦都唔会开场介绍咩歌，
因为根本唔需要！！！
《雨爱》、《左边》、
《暧昧》同《带我走》呢D，
係真係听到音乐响起，
就即刻全场尖叫！！！！！
真係唔係个个歌手有咁嘅待遇噶！
暧昧全场大合唱啦绝对！！！
而今次演唱会嘅嘉宾，
仲有潘玮柏添！！
好意外惊喜咯！！！！！
而丞琳都好照顾fans，
4面轮流企，
一面大概唱3，4首歌咁。
最后，encore係
《一千零一个愿望》，
依然係大合唱。
真係好耐未试过睇演唱会，
係有咁多人可以由头合唱到最后，
加上整个舞台效果，
睇得出杨丞琳今次係
好比心机咁去筹备，
对佢印象即刻加分咗好多！！
↓
完骚之后，
杨丞琳都有post社交网络，
都大赞广州场气氛好，
令佢好期待之后嘅场次！
依然保持咁青春嘅杨丞琳，
听完佢演唱会之后，
希望大家都可以一直咁青春啦！！
都係睇自己心态嗟！！
